От ыйын 2 күнүгэр Саха сиригэр Өлүөнэ өрүс күнэ бэлиэтэнэр.
Биһиги улууспут икки өрүс тардыытыгар сытар: Алдан уонна Лена. Лена өрүс үрдүгэр Суотту нэһилиэгэ турар. Бу өрүс аата тоҕо Лена диэн ааттааҕын билэҕит дуо? Хас килэмиэтир усталааҕый? Хантан саҕаланарый? Ону билиэххэ!
Ытык өрүһү 1620-с сыллардаахха хаһаах этэрээттэрэ күндү түүлээх көрдүү сылдьан арыйбыттар. Лена диэн эбээннии ули – өрүс диэнтэн тахсыбыт, эбээннэр йене – улахан өрүс диэн эппиттэр. Кэлин сахалар онно майгыннатан “Элиэнэ” диэбиттэрэ. Онтон, дьэ, нууччалатан “Лена” диэн ааттаныллыбыт.
Өрүс устата 4400 килэмиэтири куоһарар. Иркутскай уобаластан саҕаланан Саха сирин устун устар уонна Лаптевтар муораларыгар түһэр.
Өлүөнэ өрүс күнэ айылҕа харыстанар эбийиэгэр ураты болҕомтону тардарга, национальнай бренд быһыытынан өрө тутарга, экология туризмын сайыннарыыга ананан олохтоммута.
