Саха сиригэр оҕо библиотекатын сайдыыта:
- Саха сиригэр оҕолору кытта үлэ сэбиэскэй кэмҥэ өрөспүүбүлүкэ сүрүн кинигэ кыһатыгар саҕаламмыта. 1941 сыллаахха Саха государственнай киин библиотекатын иһинэн Оҕо салаата тэриллибитэ.
- 1966 сыллаахха Саха АССР Культуратын министиэристибэтин бирикээһинэн Саха республикатын оҕо библиотеката тэриллибитэ. Бу быһаарыы кинигэ пуондатын хаҥатарга уонна өрөспүүбүлүкэ үрдүнэн оҕо библиотекаларыгар методическай көмөнү күүһүрдэргэ кыах биэрбитэ.
- 2000 сыл от ыйыгар Саха республикатын оҕо библиотеката уонна 1977 сылтан үлэлээбит эдэр ыччат библиотеката холбоһон «Оҕо ааҕыытын Киинэ» диэн саҥа тэрилтэ тэриллибитэ.
Билигин библиотекабытыгар «Саха сиригэр оҕо ааҕыыыта тэриллибитэ 85 сыла» диэн ааттаах бу суолталаах үбүлүөйгэ анаммыт быыстапка үлэлиир. Манна араас кэмнэргэ оҕолор саамай таптаан аахпыт кинигэлэрэ, сурунааллара, библиотека архыыбыттан тэрээһиннэр матырыйааллара уонна Уус Алдантан төрүттээх ааптардар кинигэлэрэ киирдилэр.
